10.12.2021

Fréttir

Opið fyrir umsóknir

Nýlistasafnið kallar eftir umsóknum um haustsýningu safnsins árið 2022. Að þessu sinni er lögð sérstök áhersla á samstarf, ferli og samtal. Listamönnum er boðið að sækja um á forsendum eigin vinnu og listræns ferlis, í stað þess að senda inn fullmótaða og fyrirfram skilgreinda sýningartillögu. Við yfirferð umsókna velur stjórn Nýlistasafnsins þrjá listamenn til að vinna saman að haustsýningu safnsins árið 2022 og því er óskað eftir umsóknum frá listamönnum sem eru opnir fyrir samvinnu við aðra listamenn. Nýlistasafnið veita faglegan og listrænan stuðning í sýningarundirbúningnum, og þeim listamönnum sem valdir verða til þátttöku er frjálst að móta samstarfið á hvaða hátt sem er, hvort sem það er með samsköpun verka, stefnumóti fyrri verka eða annars konar tilraunum með samsýningarformið.

Tekið er við umsóknum til miðnættis 1. nóvember 2021.

Hér fyrir neðan má lesa nánari upplýsingar um ferlið.

Opið fyrir umsóknir

Nýlistasafnið kallar eftir umsóknum um haustsýningu safnsins árið 2022. Að þessu sinni er lögð sérstök áhersla á samstarf, ferli og samtal. Listamönnum er boðið að sækja um á forsendum eigin vinnu og listræns ferlis, í stað þess að senda inn fullmótaða og fyrirfram skilgreinda sýningartillögu. Við yfirferð umsókna velur stjórn Nýlistasafnsins þrjá listamenn til að vinna saman að haustsýningu safnsins árið 2022 og því er óskað eftir umsóknum frá listamönnum sem eru opnir fyrir samvinnu við aðra listamenn. Nýlistasafnið veita faglegan og listrænan stuðning í sýningarundirbúningnum, og þeim listamönnum sem valdir verða til þátttöku er frjálst að móta samstarfið á hvaða hátt sem er, hvort sem það er með samsköpun verka, stefnumóti fyrri verka eða annars konar tilraunum með samsýningarformið.

Tekið er við umsóknum til miðnættis 1. nóvember 2021.

Hér fyrir neðan má lesa nánari upplýsingar um ferlið.

Sótt er um sýningu í ágúst/september 2022 í sýningarsal Nýlistasafnsins, Marshallhúsinu. Hér má skoða teikningu af salnum og hér er hægt að fletta í gegnum myndir af rýminu tómu. Athugið að hlekkirnir eru aðeins til glöggvunar, ekki er óskað eftir fullmótaðri sýningartillögu.

Umsókn skal innihalda:

# 1 — Nafn umsækjanda, tölvupóstfang, símanúmer og fæðingardag.

# 2 — Stutta lýsingu á listrænu ferli og starfsháttum listamanns , t.d. hugleiðingum um aðferðir, áhugasvið, efnistök, þróun og/eða stefnu. Hámark 1 bls. 

# 3 — Fimm myndir af fyrri verkum. Fyrir tímatengd verk, vídeó eða hljóðverk skal setja inn hlekk sem leiðir beint á Vimeo, Youtube eða álíka veitur og ekki sem skrá í gegnum tölvupóst. 

# 4 — Ferilskrá, hámark 1 bls. 

Frestur til að senda inn umsókn er til miðnættis 1. nóvember 2021.

Umsóknir sendist á nylo(hjá)nylo.is merktar umsókn_2021. Ekki verður tekið við útprentuðum umsóknum. Fyrirspurnir sendist á sama netfang. 

Senda skal umsóknir og allt efni sem þeim viðkemur í einu samhangandi PDF skjali. Skjölin mega ekki vera stærri en 10 MB. Umsóknir sem ekki fara eftir umbeðnum kröfum og leiðbeiningum eða í vantar einhver gögn verða ekki teknar til greina.

Vinsamlegast athugið: Þrír listamenn verða valdir úr hópi umsækjanda til samstarfs og því þurfa umsækjendur að vera opnir fyrir samstarfi við aðra listamenn.

Framlag Nýlistasafnsins:

— Þóknun listamanna fyrir sýningunni og þátttöku í einu listamannaspjalli/leiðsögn 

— Kynning sýningar á miðlum safnsins og samskipti við fjölmiðla

—Verkstjórnun og listrænn stuðningur 

— Aðstoð við uppsetningu

— Ljósmyndun sýningar

— Umsóknarskrif og aðstoð við fjármögnun.

Vinsamlegast athugið að safnið getur ekki kostað ferðir eða uppihald listamanna með aðsetur utan Íslands, en mun leggja sig fram við að aðstoða við fjármögnun heimsókna. Sem samstarfsverkefni er mikilvægt að þátttakandi listamenn geti hisst í eigin persónu að minnsta kosti einu sinni yfir ferlið.

Valferli:

Stjórn Nýlistasafnsins velur úr umsóknum og stefnt er að því að tilkynna niðurstöðuna um mánaðamótin nóvember/desember 2021. Valferlið fer fram í tveimur fösum. Í þeim fyrsta verður farið yfir innsendar umsóknir þar sem litið verður sérstaklega til möguleika á samstarfi ólíkra umsækjenda.  Að því loknu verður völdum umsækjendum boðið í viðtal þar sem mögulegt samstarf verður rætt, áður en endanleg ákvörðun er tekin.

Markmið:

Með því að bjóða ólíkum listamönnum að þróa sýningu í sameiningu verða óneitanlega til óvæntar aðstæður, vettvangur tilrauna og skapandi samstarfs þar sem ólík sjónarhorn, efni og aðferðir mætast. Markmiðið með umsóknarferlinu er að efla nýsköpun og opna á óvænt, virkt og fjölradda samtal þar sem listræn vinna og sköpun ræður algjörlega ferðinni. 

Með því að bjóða listamönnum að senda inn umsókn byggða á ferli og starfsháttum sínum gerir Nýlistasafnið tilraun til að feta í fótspor sýningarstaða úti í heimi, sem miða að því að móta starfssemina eftir listrænni iðkun og viðfangsefni listamanna, fremur en að listamenn móti sína iðju eftir umhverfi stofnana.

Nýlistasafnið leggur áherslu á fjölbreytileika sjónarhorna, framsækni og tilraunir í listsköpun, framsetningu og miðlun. Í takt við sögu safnsins leitast Nýló við að opna augu almennings fyrir afstæðri fagurfræði samtímalistar og breyttum viðfangsefnum myndlistarmanna í samtímanum, sem oft haldast í hendur við málefni líðandi stundar. Markmið komandi ára er vinna gegn ójöfnuði og mismunun af hverju tagi og stuðla að breidd og framþróun innan myndlistar, óháð kyni, kynhneigð, stétt, þjóðerni eða aldri. Mun öll starfsemi safnsins taka mið af þeirri stefnu, allt frá söfnun, samskiptum við almenning og sýningarhaldi.

Sótt er um sýningu í ágúst/september 2022 í sýningarsal Nýlistasafnsins, Marshallhúsinu. Hér má skoða teikningu af salnum og hér er hægt að fletta í gegnum myndir af rýminu tómu. Athugið að hlekkirnir eru aðeins til glöggvunar, ekki er óskað eftir fullmótaðri sýningartillögu.

Umsókn skal innihalda:

# 1 — Nafn umsækjanda, tölvupóstfang, símanúmer og fæðingardag.

# 2 — Stutta lýsingu á listrænu ferli og starfsháttum listamanns , t.d. hugleiðingum um aðferðir, áhugasvið, efnistök, þróun og/eða stefnu. Hámark 1 bls. 

# 3 — Fimm myndir af fyrri verkum. Fyrir tímatengd verk, vídeó eða hljóðverk skal setja inn hlekk sem leiðir beint á Vimeo, Youtube eða álíka veitur og ekki sem skrá í gegnum tölvupóst. 

# 4 — Ferilskrá, hámark 1 bls. 

Frestur til að senda inn umsókn er til miðnættis 1. nóvember 2021.

Umsóknir sendist á nylo(hjá)nylo.is merktar umsókn_2021. Ekki verður tekið við útprentuðum umsóknum. Fyrirspurnir sendist á sama netfang. 

Senda skal umsóknir og allt efni sem þeim viðkemur í einu samhangandi PDF skjali. Skjölin mega ekki vera stærri en 10 MB. Umsóknir sem ekki fara eftir umbeðnum kröfum og leiðbeiningum eða í vantar einhver gögn verða ekki teknar til greina.

Vinsamlegast athugið: Þrír listamenn verða valdir úr hópi umsækjanda til samstarfs og því þurfa umsækjendur að vera opnir fyrir samstarfi við aðra listamenn.

Framlag Nýlistasafnsins:

— Þóknun listamanna fyrir sýningunni og þátttöku í einu listamannaspjalli/leiðsögn 

— Kynning sýningar á miðlum safnsins og samskipti við fjölmiðla

—Verkstjórnun og listrænn stuðningur 

— Aðstoð við uppsetningu

— Ljósmyndun sýningar

— Umsóknarskrif og aðstoð við fjármögnun.

Vinsamlegast athugið að safnið getur ekki kostað ferðir eða uppihald listamanna með aðsetur utan Íslands, en mun leggja sig fram við að aðstoða við fjármögnun heimsókna. Sem samstarfsverkefni er mikilvægt að þátttakandi listamenn geti hisst í eigin persónu að minnsta kosti einu sinni yfir ferlið.

Valferli:

Stjórn Nýlistasafnsins velur úr umsóknum og stefnt er að því að tilkynna niðurstöðuna um mánaðamótin nóvember/desember 2021. Valferlið fer fram í tveimur fösum. Í þeim fyrsta verður farið yfir innsendar umsóknir þar sem litið verður sérstaklega til möguleika á samstarfi ólíkra umsækjenda.  Að því loknu verður völdum umsækjendum boðið í viðtal þar sem mögulegt samstarf verður rætt, áður en endanleg ákvörðun er tekin.

Markmið:

Með því að bjóða ólíkum listamönnum að þróa sýningu í sameiningu verða óneitanlega til óvæntar aðstæður, vettvangur tilrauna og skapandi samstarfs þar sem ólík sjónarhorn, efni og aðferðir mætast. Markmiðið með umsóknarferlinu er að efla nýsköpun og opna á óvænt, virkt og fjölradda samtal þar sem listræn vinna og sköpun ræður algjörlega ferðinni. 

Með því að bjóða listamönnum að senda inn umsókn byggða á ferli og starfsháttum sínum gerir Nýlistasafnið tilraun til að feta í fótspor sýningarstaða úti í heimi, sem miða að því að móta starfssemina eftir listrænni iðkun og viðfangsefni listamanna, fremur en að listamenn móti sína iðju eftir umhverfi stofnana.

Nýlistasafnið leggur áherslu á fjölbreytileika sjónarhorna, framsækni og tilraunir í listsköpun, framsetningu og miðlun. Í takt við sögu safnsins leitast Nýló við að opna augu almennings fyrir afstæðri fagurfræði samtímalistar og breyttum viðfangsefnum myndlistarmanna í samtímanum, sem oft haldast í hendur við málefni líðandi stundar. Markmið komandi ára er vinna gegn ójöfnuði og mismunun af hverju tagi og stuðla að breidd og framþróun innan myndlistar, óháð kyni, kynhneigð, stétt, þjóðerni eða aldri. Mun öll starfsemi safnsins taka mið af þeirri stefnu, allt frá söfnun, samskiptum við almenning og sýningarhaldi.

Mynd frá sýningunni: Veit andinn af efninu? Listamenn: Ragnheiður Gestsdóttir, Sindri Leifsson, Sigrún Hrólfsdóttir. Ljósmynd: Vigfús Birgisson.

Ljósmyndir:

#1: Brot úr: The Sun, Raimonda Sereikaitė-Kiziria. Ljósmynd: Vigfús Birgisson

#2: Mynd frá haustsýningu Nýló 2021: Eins og þú ert núna var ég einu sinni / Eins og ég er núna, svo munt þú verða. Listamenn: Klāvs Liepiņš, Renāte Feizaka, Raimonda Sereikaitė-Kiziria. Ljósmynd: Vigfús Birgisson

#3: Mynd frá: Veit andinn af efninu? Listamenn: Ragnheiður Gestsdóttir, Sindri Leifsson, Sigrún Hrólfsdóttir. Ljósmynd: Vigfús Birgisson

Ljósmyndir:

#1: Brot úr: The Sun, Raimonda Sereikaitė-Kiziria. Ljósmynd: Vigfús Birgisson

#2: Mynd frá haustsýningu Nýló 2021: Eins og þú ert núna var ég einu sinni / Eins og ég er núna, svo munt þú verða. Listamenn: Klāvs Liepiņš, Renāte Feizaka, Raimonda Sereikaitė-Kiziria. Ljósmynd: Vigfús Birgisson

#3: Mynd frá: Veit andinn af efninu? Listamenn: Ragnheiður Gestsdóttir, Sindri Leifsson, Sigrún Hrólfsdóttir. Ljósmynd: Vigfús Birgisson