Verið velkomin á listamannaspjall með íris Maríu Leifsdóttur og Deepa Iyengar, þar sem þær ræða verkin sem þær sýna á útskriftarsýningu meistaranema í myndlist, aðdraganda þeirra og samhengi. Viðburðurinn er á þriðji og síðasti í röð samtala þar sem útskriftarhópurinn fjallar um verk sín og feril, sjá dagskrá hér að neðan. 

Útskriftarsýning meistaranema í Myndlist frá Listaháskóla Íslands ber titilinn Athöfn. Í gegnum eigin viðfangsefni leitast útskriftarhópurinn við að þoka mörkunum örlítið lengra: mörkum hegðunar, persónulegs rýmis, reynslu og tilfinninga. Mörkum umhyggju, skipaðra hlutverka og samvistar manns og náttúru. Mörkum þess hversu langt við getum hugsað út fyrir tímann og inn í okkur sjálf. Listamennirnir sækja í þræði frá nýlegum einkasýningum sem taka á sig ný form í  öðru samhengi.