Tónsprotinn Sonic Baton verður kynntur til leiks á síðasta sýningardegi Að hljóði / Hömlulaus veggur í Limbó.

Majella Clarke mun flytja eina teikningu af veggnum, verkið May the Whole Universe, eftir Bergþóru Ægisdóttur.

Ef þú hefur velt því fyrir þér hvernig það gæti verið að stjórna tónlist, finna og heyra hljóðið breytast með látbragði og hreyfingum er þetta kjörin vettvangur til að prófa. Sprotinn frá sér hljóð í viðbragði við staðsetningu, hraða og stefnu hreyfinga stjórnandans, en sækir í safn hljóðskráa sem gestum er boðið að prófa. Sprotinn er enn í þróun en þeir sem vilja, geta framkallað hljóðmyndir á sunnudaginn.

Teymið bakvið sprotann mun byrja á því að kynna sýnidæmi og tala stuttlega um þróunarvinnuna á bakvið sprotann og að því loknu er gestum boðið að prufa sig áfram og framkalla hljóð. Sonic Baton er hluti af rannsóknarsamstarfi Majella Clarke, hljómsveitarstjóra og nemanda við Listaháskólann, Nicola Privato, Sean Patrick O'Brien og Vicktor Shepardson frá Intelligent Instruments Lab sem er þverfagleg rannsóknarstofa, með aðsetur við Listaháskólann, sem rannsakar hlutverk gervigreindar í nýjum hljóðfærum.