Opið er fyrir umsóknir í vinnustofudvöl Artiste en Residence í Clermont Ferrand í Frakkland. Frestur er til 30. apríl fyrir janúar-febrúar 2022. Öllum listamönnum með aðsetur á Íslandi er frjálst að sækja um í gegnum heimasíðu Artiste en Residence. Innifalið í dvölinni er aðgangur að vinnustofu, gistiaðstaða og styrk fyrir uppihaldi (1500 evrur). Nýló aðstoðar við að sækja um ferðastyrk.

Nánari upplýsingar og umsóknareyðublað er að finna hér.

Umsóknarfrestur: 30. apríl

Vinnustofudvölin er afrakstur samstarfs milli Nýló og Artiste en residence í Clermont Ferrand, með góðum stuðningi frá Franska sendiráðinu á Íslandi og Alliance Francaise í Reykjavík. Dvölin er eins konar „skipti-prógram“, Nýló sendir fulltrúa til Frakklands í mánuð í senn, og á móti tökum við á móti listamanni frá Frakklandi í mánaðardvöl hjá SÍM.