Kæru gestir,

Nýlistasafnið er opið eftir sem áður á meðan hertar samkomutakmarkanir eru í gildi, en öllum viðburðum á vegum safnsins hefur verið frestað þar til eftir 15. apríl.

Hámark geta 10 gestir heimsótt safnið í einu. Við biðjum alla gesti um að bera grímu og virða tveggja metra fjarlægðarmörk. Starfsfólk safnsins fylgist náið með gangi mála, gætt er vel að hreinlæti og snertifletir í Marshallhúsinu, móttöku og sýningarsal eru sprittaðir reglulega.

Meðfylgjandi mynd er frá yfirstandandi sýningu Katie Paterson, sem er opin á hefðbundnum opnunartímum safnsins, miðvikudaga til sunnudaga frá 12-18.